gossiplankanews- ලංකාවේ 112 ඉන්ටර්පෝල් දැල එලයි
ශ‍්‍රී ලංකා ආරක්‍ෂක අංශවලට අවශ්‍යව සිටින සැකකරුවන් 112 දෙනෙකු අත්අඩංගුවට ගැනීම සඳහා ඉන්ටර්පෝල් හෙවත් අන්තර්ජාතික පොලිසියේ සහය ලබාගෙන තිබෙනවා. ඒ අනුව අදාල පුද්ගලයින්ගේ නම්, තොරතුරු සහ ඡායාරූප එම වෙබ් අඩවිය මගින් ප‍්‍රසිද්ධ කර තිබෙනවා. එල්.ටී.ටී.ඊ හිටපු සාමාජිකයින්, විවිධ වංචනික ක‍්‍රියාවන්ට සම්බන්ධ ශ‍්‍රී ලාංකිකයින්, මිනිස් ජාවාරම්කරුවන් ඒ අතර වනවා. හිටපු හමුදාපති සරත් ෆොන්සේකා මහතාගේ බෑණනුවන් වන ධනුන තිලකරත්න මහතාගේ නම සහ තොරතුරුද එහි දක්වා තිබෙනවා.මේ අතර ගෝපි සහ අප්පන් යොදවා එල්.ටී.ටී.ඊය පණගැන්වීම සඳහා විදේශ රටවල සිට ඔවුන් මෙහෙයවා ඇතැයි කියන නෙදියවන් සහ විනයාගම් අත්අඩංගුවට ගැනීම සඳහා අධිකරණයේ අවසරය මත අන්තර්ජාතික පොලිසියට යවා ඇති රතු නිවේදනය ද යළි යාවත්කාලීන කර ඇති බව පොලිසිය සඳහන් කළා.
එල්.ටී.ටී.ඊ. සංවිධානය යළි පණගැන්වීම සඳහා ගෙනයන ව්‍යාපාරයට සම්බන්ධ බවට සැකකරුවන් 60 දෙනෙකු ඉකුත් දා පොලිසිය විසින් අත්අඩංගුවට ගත් අතර, ඔවුන්ගෙන් 19 දෙනෙකු නිදහස් කර තිබෙනවා. සෙසු පිරිසගෙන් වැඩිදුරටත් ප‍්‍රශ්න කෙරෙන බවයි පොලිසිය වැඩිදුරටත් සඳහන් කළේ.
Comments
Post a Comment