gossiplankanews.com- ලෝක ක්‍රිකට් සංචාර සැලසුමෙහි ශ්‍රී ලංකාවට තැනක්
මෙල්බර්න් නුවර පැවැත්වුණු ලෝක ක්‍රිකට් පාලක මණ්ඩලයේ(ICC) ප්‍රධානීන්ගේ රැස්වීමේදී ඉදිරි වසර දහය සඳහා ජාත්‍යන්තර ක්‍රිකට් සංචාර කාලසටහනට අනුමැතිය පළ වුණි. ඉන්දියාව, එංගලන්තය සහ ඕස්ට්‍රේලියාව විසින් ජගත් ක්‍රිකට් පාලක මණ්ඩලයේ පූර්ණ බලතල පවරා ගැනීමෙන් අනතුරුව ශ්‍රී ලංකාව ඇතුළු දිළිඳු රටවලට ඒ රටවලින් සංචාර නො ලැබෙනු ඇතැයි අදහස් පළ වෙමිනුයි තිබුණේ. “ඉදිරි වසර දහය ඇතුළත ශ්‍රී ලංකාවට තරඟ නොලැබීමේ අවදානමක් තිබුනා. නමුත් එවැනි ප්‍රශ්නයක් පැන නැගී ඇති බවක් පෙනෙන්න නැහැ. ශ්‍රී ලංකාවට සෑහෙන තරම් තරඟ ලබා දී ඇති බවකුයි පෙනෙන්නේ” චන්නක ද සිල්වා පවසයි.එහෙත් ඇතැම් විචාරකයන් බලාපොරොත්තු වුවාටත් වඩා ශ්‍රී ලංකාවට ක්‍රිකට් ක්‍රීඩා සංචාර ලැබී තිබෙන බවයි, ඩේලි මිරර් පුවත්පතේ ක්‍රීඩා කර්තෘ චන්නක ද සිල්වා සංදේශයට කියා සිටියේ.
