Gossip Lanka News

(වටරැක)දැනට කොළඹ ජාතික රෝහ‍ලේ 17 වැනි වාට්ටුවේ ප්‍රතිකාර ලබන වටරැක විජිත හිමියන්ට මානසික රෝගයක් ඇත්දැයි පරීක්ෂා කිරීම සඳහා එම වාට්ටුවේ විශේෂඥ වෛද්‍යවරයා උන්වහන්සේව මානසික විශේෂඥ වෛද්‍යවරයකුට ඊයේ දින යොමු කර තිබේ. පසුගිය 19 වනදා උන්වහන්සේ රෝහලට ඇතුලත් කරනු ලැබුවේ පැහැරගැනීමට ලක්ව තුවාල සහිතව වුවත් පසුව එය රඟපෑමක් බවට පොලිස් පරීක්ෂණ ඔස්සේ තහවුරු විය.

තමන් වහන්සේගේ මරණයෙන් ප‍්‍රශ්ණය විසඳෙනවා නම් ඊට මුහුණ දෙන්න සූදානම් යයි බොදු බලසේනා සංවිධානයේ මහ ලේකම් පූජ්‍ය ගලගොඩ අත්තේ ඤාණසාර හිමියෝ කියති. එම සංවිධාන මූලස්තානයේදී මාධ්‍ය අමතමින් එහිමියෝ මෙසේද පැවසූහ. යැඩි දුරටත් අදහස් දක්වමින් උන් වහන්සේ මෙසේද කීහ. ‘අපේ ඝණ්ඨාරේ මෙච්චර සද්දෙ මෙතැන ලොකු ප‍්‍රශ්ණයක් තිබෙන නිසයි. මාව මරලා හෝ අත් අඩංගුවට අරගෙන හෝ මගේ චරිතය ඝාතනය කරලා හෝ මේ ප‍්‍රශ්ණය විසඳෙනවා නම් රට වෙනුවෙන් එයට මුහුණ දෙන්න මා සූදානම්.

මාවනැල්ලේ නගරයේ පිහිටි ගොඩනැගිලි ද්‍රව්‍ය වෙළඳසැලක් කිසියම් පිරිසක් විසින් ගිනි තබා තිබේ. ජාතික රණවිරු සැමරුම යෙදී තිබුණු 18 වන දා ගිනි තබා ඇති මෙම වෙළඳ සැල  මුස්ලිම් ජාතිකයකු සතු වෙළඳ සලකි.

මාතලේ නගරයේ පාසල් සිසුන්ට මත්ද්‍රව්‍ය මිශ‍්‍ර බාබුල් සහ මාවා අලෙවි කළ ස්ථාන කිහිපයක් පාරිභෝගික සේවා අධිකාරියේ නිලධාරීන් විසින් අද වටලනු ලැබුවා. එම අධිකාරියේ මාතලේ කාර්යාලයේ ප‍්‍රධානී එම්.ජේ. සමන්ත මහතා පැවසුවේ තම කාර්යාලයට ලැබුණු පැමිණිලි මත අදාළ වැටලීම සිදුකළ බවයි. විවිධ රසකාරක යොදාගනිමින් මෙම මත්කාරක පුවක් විවිධ මිල ගණන් යටතේ අලෙවි කර තිබෙනවා. අත්අඩංගුවට ගැනුණු සැකකරුවන් මාතලේ අධිකරණය වෙත ඉදිරිපත් කිරීමට නියමිතයි.

අක්මීමන ,  කුරුදුවත්ත චීන මිත‍්‍රත්ව ගම්මානයේ පදිංචිව සිටි, මාසයයි දින  18 ක් වයසැති දරුවා අංශභාග පියාගේ අතින් බිමට ඇද වැටීමෙන් බරපතල තුවාල ලබා ගාල්ල කරාපිටිය ශික්ෂණ රෝහලට ඇතුළත් කිරීමෙන් පසු මියගොස් ඇත. දරුවාගේ මව පියාට දරුවා භාරදී රෙදි සේදීමට ගිය අවස්ථාවේ පියා අතින් දරුවා ඇද වැටී තිබේ. දැරියගේ මරණ පරීක්ෂණය ඉරිදා( 11 ) පැවති අතර එහි දී දැරියගේ මව ද සාක්ෂි ලබා දෙන ලදී. ගාල්ල අධිකරණ වෛද්‍ය නිළධාරී වී.ටී මහානාම මහතා හදිසි මරණ පරීක්ෂණයේ දී තීරණය කළේ දැරිය ආසනයක් මතට වැටීමෙන් දැරියගේ සිරුරේ සිදු වු අභ්‍යන්තර ලේ ගැලීමක් නිසා මරණය සිදු වී ඇති බවයි. ඒ අනුව ගාල්ල හදිසි මරණ පරීක්ෂක යු.කේ. තිලකසේන මහතා විසින් දැරියගේ මරණය හදිසි අනතුරකින් සිදු වු අභ්‍යන්තර ලේ ගැලීමකින් සිදු වු බවට තීරණය කරන ලදී . gossiplanka

පැමිණිල්ලක් විභාග කිරීම සඳහා අනුරාධපුර මූලස්ථාන පොලිසියේ පිහිටි කොට්ඨාස ළමා හා කාන්තා කාර්යාංශයට පැමිණි විවාහක පුද්ගලයකු පැමිණිල්ල විභාගය සිදුකිරීමට සැරසෙද්දී කාර්යාංශයෙන් පිටතට දිව විත් ළමා කාන්තා කාර්යාංශයේ ඉදිරිපිට පිහිටි වැටෙහි සඟවා තිබූ අධි විස සහිත කෘෂි රසායනයක් පානය කිරීමෙන් රෝගී වී ප්‍රතිකාර සඳහා අනුරාධපුර ශික්‍ෂණ රෝහලට ඇතුළත් කර තිබේ (වසබී). පෙරේදා (10දා) සවස 2.00ට පමණ මේ පුද්ගලයා කෘෂි රසායනය පානය කිරීමෙන් බරපතළ ලෙස රෝගීව අනුරාධපුර ශික්‍ෂණ රෝහලට ඇතුළත් කර තිබේ. අකුරැස්ස ප්‍රදේශයේ පදිංචිකරුවකු වන මොහු අනුරාධපුර උලුක්කුලම ප්‍රදේශයේ දැනට පදිංචිව අනුරාධපුර කඩ 30 ප්‍රදේශයේ ගරාජයක සේවය කරන විවාහක එක්දරු පියෙකි.