වැට් බදු වංචා කිරීමේ චෝදනාවලට වරද පිළිගත් දේශීය ආදායම් දෙපාර්තමේන්තුවේ හිටපු නියෝජ්ය කොමසාරිස් ගුණසිරි ද සොයිසා ජයතිලක කොළඹ මහාධිකරණය විසින් වසර එකසිය දෙකක බර පතල සිර දඬුවමකට යටත් කරනු ලැබුණි. රුපියල් කෝටි හාරසීයකට ආසන්න වැට් බදු වංචා කළ බවටයි, හිටපු කොමසාරිස්වරයා චෝදනා ලැබ සිටියේ. වසර හයකට ආසන්න කාලයක නඩු විභාගයකින් අනතුරුව අදාළ චෝදනාවලට තමන් වරද පිළිගන්නා බවයි, ඥානසිරි සොයිසා නමැති විත්තිකරු ප්රකාශ කළේ.වරද පිළිගත් චූදිතයාට දඬුවම් නියම කරමින් තීන්දුව ප්රකාශයට පත් කළ කුමුදිනී වික්රමසිංහ කොළඹ මහාධිකරණ විනිසුරුවරිය, ඉහත කී සිර දඬුවමට අමතරව රුපියල් කෝටි 1197 ක දඩ මුදලක් ගෙවන ලෙසත් ඔහුට නියම කළාය. නීතිපතිවරයා චූදිත හිටපු නියෝජ්ය කොමසාරිස් ගුණසිරි ද සොයිසා ජයතිලකට එරෙහිව පොදු දේපළ පනත යටතේ චෝදනා තිස් හතරක් ඉදිරිපත් කර තිබුණි.
මාරවිල – හත්තිනිය ප්රදේශයේ කාන්තාවකගේ ගෙළ බැඳි රන් මාලය ඊයේ (12) බලහත්කාරයෙන් පැහැරගත් ඇයගේම පුතු රක්ෂිත බන්ධනාගාර ගතකර තිබෙනවා. වයස අවුරුදු 50 ක් පමණ වන එම මවගේ රන් මාලය පුතා විසින් පැහැරගෙන ඇත්තේ සිය බිරිඳගේ මුදල් අවශ්යතාවයක් සඳහායි. සැකකරු ලබන 26 වැනි දින දක්වා රක්ෂිත බන්ධනාගාර ගතකිරීමට මාරවිල මහේස්ත්රාත්වරයා නියෝග කර තිබෙනවා.
Comments
Post a Comment