වැට් බදු වංචා කිරීමේ චෝදනාවලට වරද පිළිගත් දේශීය ආදායම් දෙපාර්තමේන්තුවේ හිටපු නියෝජ්ය කොමසාරිස් ගුණසිරි ද සොයිසා ජයතිලක කොළඹ මහාධිකරණය විසින් වසර එකසිය දෙකක බර පතල සිර දඬුවමකට යටත් කරනු ලැබුණි. රුපියල් කෝටි හාරසීයකට ආසන්න වැට් බදු වංචා කළ බවටයි, හිටපු කොමසාරිස්වරයා චෝදනා ලැබ සිටියේ. වසර හයකට ආසන්න කාලයක නඩු විභාගයකින් අනතුරුව අදාළ චෝදනාවලට තමන් වරද පිළිගන්නා බවයි, ඥානසිරි සොයිසා නමැති විත්තිකරු ප්රකාශ කළේ.වරද පිළිගත් චූදිතයාට දඬුවම් නියම කරමින් තීන්දුව ප්රකාශයට පත් කළ කුමුදිනී වික්රමසිංහ කොළඹ මහාධිකරණ විනිසුරුවරිය, ඉහත කී සිර දඬුවමට අමතරව රුපියල් කෝටි 1197 ක දඩ මුදලක් ගෙවන ලෙසත් ඔහුට නියම කළාය. නීතිපතිවරයා චූදිත හිටපු නියෝජ්ය කොමසාරිස් ගුණසිරි ද සොයිසා ජයතිලකට එරෙහිව පොදු දේපළ පනත යටතේ චෝදනා තිස් හතරක් ඉදිරිපත් කර තිබුණි.
යාපනය විද්යා දැරියගේ ඝාතනය සම්බන්ධයෙන් අත්අඩංගුවට ගෙන සිටින සැකකරුවන් 9 දෙනා නොවැම්බර් මස 9 වනදා දක්වා යළිත් රක්ෂිත බන්ධනාගාර ගත කර තිබෙනවා. ඒ ඔවුන් ඊයේ කයිට්ස් මහේස්ත්රාත් එස්.ලෙනින්කුමාර් හමුවට ඉදිරිපත් කිරීමෙන් පසුවයි. මෙම සැකකරුවන් තමන්ට ඇප ලබාදෙන ලෙස ඉල්ලීමක් කළත්, මොවුන්ගේ රුධිර සාම්පල වාර්තා පරීක්ෂණ තවමත් අවසන් වී නොමැති බැවින් ඇප ලබාදීමට පැමිණිලි පාර්ශවයේ නීතීඥවරුන් විරෝධතාවය පළ කළා. යාපනය - කයිට්ස් - පුංකුඩුතිව් ප්රදේශයේදී ශිවලෝගනාදන් විද්යා නමැති 18 හැවිරිදි පාසල් දැරිය අපයෝජනයට ලක් කර ඝාතනය කර තිබුණේ පසුගිය මැයි මාසයේදීයි.
Comments
Post a Comment