වැට් බදු වංචා කිරීමේ චෝදනාවලට වරද පිළිගත් දේශීය ආදායම් දෙපාර්තමේන්තුවේ හිටපු නියෝජ්ය කොමසාරිස් ගුණසිරි ද සොයිසා ජයතිලක කොළඹ මහාධිකරණය විසින් වසර එකසිය දෙකක බර පතල සිර දඬුවමකට යටත් කරනු ලැබුණි. රුපියල් කෝටි හාරසීයකට ආසන්න වැට් බදු වංචා කළ බවටයි, හිටපු කොමසාරිස්වරයා චෝදනා ලැබ සිටියේ. වසර හයකට ආසන්න කාලයක නඩු විභාගයකින් අනතුරුව අදාළ චෝදනාවලට තමන් වරද පිළිගන්නා බවයි, ඥානසිරි සොයිසා නමැති විත්තිකරු ප්රකාශ කළේ.වරද පිළිගත් චූදිතයාට දඬුවම් නියම කරමින් තීන්දුව ප්රකාශයට පත් කළ කුමුදිනී වික්රමසිංහ කොළඹ මහාධිකරණ විනිසුරුවරිය, ඉහත කී සිර දඬුවමට අමතරව රුපියල් කෝටි 1197 ක දඩ මුදලක් ගෙවන ලෙසත් ඔහුට නියම කළාය. නීතිපතිවරයා චූදිත හිටපු නියෝජ්ය කොමසාරිස් ගුණසිරි ද සොයිසා ජයතිලකට එරෙහිව පොදු දේපළ පනත යටතේ චෝදනා තිස් හතරක් ඉදිරිපත් කර තිබුණි.
කොටදෙනියාව සේයා සදෙව්මි දැරියගේ ඝාතන සිද්ධියේ සැකකරුවන් වූ සමන් ජයලත් සහ දුනේෂ් ප්රියශාන්ත යන සොයුරන්ගේ නිවස පිහිටි ගම්මානයට ඇතුළු වන මාර්ගයේ ගමන් කිරීමට නොහැකි වන අයුරින් කිසියම් පිරිසක් විසින් කපා දමා තිබෙනවා. ගම්පහ - ඉංගම්මාරුව ප්රදේශයේයි මොවුන් දෙදෙනාගේ නිවෙස් පිහිටා ඇත්තේ. කෙසේ වෙතත් කිසියම් පිරිසක් විසින් බැකෝ යන්ත්රයක් යොදා ගනිමින් එම ගම්මානයට ඇතුළු වන මාර්ගය විනාශ කර ඇති බවයි වාර්තා වන්නේ.
Comments
Post a Comment