Gossip Lanka News

තෙල් ටැංකි දුම්රියක්‌ අලුත්ගම දුම්රිය ස්‌ථානයේ දෙවැනි වේදිකාවේ නවතා තිබූ බලවේග දුම්රියක පසුපස ගැටීමෙන් එම බලවේග දුම්රියෙන් මැදිරි දෙකක්‌ පීලි පැන ඇති අතර මේ හේතුවෙන් ඊයේ (7 දා) මාතර සිට කොළඹ බලා පැමිණෙන කාර්යාල දුම්රියවල තරමක ප්‍රමාදයක්‌ ඇතිවිණි.අනතුර සිදුවන අවස්‌ථාවේදී එම ටැංකිවල ඉන්ධන තිබී නැත. මෙම අනතුර ඊයේ (7 දා) අලුයම එකට පමණ සිදුව තිබේ. ගාල්ල සිට පැමිණි හිස්‌ තෙල් ටැංකි සහිත දුම්රිය ඊයේ (7 දා) අලුයම 3.50 ට අලුත්ගම සිට කොළඹ බලා ධාවනය කිරීම සඳහා නතර කර තිබූ 304 දරණ බලවේග දුම්රියෙහි පසුපස ගැටී ඇත.

තම බිරිඳට දරුණු ලෙස අතින් පයින් හා කොස්සකින් පහර දී ස්ත‍්‍රී ලිංගයට මිරිස් කුඩු දැමූ බව කියන සැමියකු කළුතර උතුර පොලීසිය විසින් අත් අඩංගුවට ගෙන අධිකරණයට ඉදිරිපත් කිරීමෙන් පසු ශරීර ඇප මත මුදා හැර තිබේ. මෙම ගැටුම පවුල් ආරවුලක් නිසා ඇති වූ බව අධිකරණයට දන්වා තිබූ අතර එහි ඉදිරි කටයුතු සමථ මණ්ඩලයට යොමු නර ඇත. gossiplanka

අන්සතු විද්්‍යුත් කාඞ් පතක් උපයෝගී කර ගනිමින් අනවසරයෙන් ගණුදෙනු සිදු කර ඇති සැකකරුවන් පිරිසක් අත්අඩංගුවට ගැනීම සදහා පොලීසිය මහජන සහාය අපේක්‍ෂා කරනවා. ඔවුන් පිළිබද දැනටමත් අපරාධ පරීක්‍ෂණ දෙපාර්තමේන්තුව පරීක්‍ෂණ ආරම්භ කර ඇතැයි පොලීසිය පැවසුවා. අදාළ සැකකරුවන්ගේ ඡායාරූප අද පස්වරුවේ පොලීසිය විසින් මාධ්‍ය වෙත නිකුත් කරනු ලැබුවා.

තම නිල ට්විටර් ගිණුම ඔස්සේ ජනපති මහින්ද රාජපක්‍ෂ මහතා තරුණ තරුණියන් හා සජීවීව සංවාදයේ යෙදුණේය. එහිදී නැගුණු එක් පැනයකට පිළිතුරු දෙමින් ඒ මහතා සඳහන් කලේ ෆේස්බුක් හෝ ට්විටර් වැනි සමාජ ජාල වෙබ් අඩවි තහනම් කිරීමේ සැලසුමක් නැති බවයි. ‘එ්වා තහනම් කරලා ගෙදර ගියාම මගේ පුතාලාගෙන් මට විසුමක් නැතිවෙයි’ යයිද ජනාධිපතිවරයා එහිදී පිළිතුරුක් දී තිබේ. gossiplanka

මහපොළ ශිෂ්‍යත්වය ඉහළ නංවන බව ජනාධිපති මහින්ද රාජපක්ෂ පවසයි ලෝක තරුණ සමුළුවට පැවැත්වෙන අවස්ථාවේදී විශ්වවිද්‍යාල සිසුන් ඊයේ පැවැත්වූ දැවැන්ත උද්ඝෝෂණය පිළිබඳව ප්‍රශ්න ගණනාවක් ම ට්විටර් සමාජ වෙබ් අඩවිය ඔස්සේ මහින්ද රාජපක්ෂ ජනාධිපතිවරයා වෙත යොමුවුව ද ඔහු ඊට පිළිතුරු ලබා දී නොමැත. “ග්‍රවුන්ඩ් වීව්ස්” වෙබ් අඩවියට අනුව ට්විටර් අඩවිය ඔස්සේ ප්‍රශ්න 1300කට අධික ප්‍රමානයක් ජනාධිපතිවරයා වෙත යොමුවූ අතර ඔහු පිළිතුරැ ලබාදී තිබුනේ ප්‍රශ්න 24කට පමණි. වෙනත් ප්‍රශ්න වලට පිළිතුරු ට්විටර් ප්‍රශ්න මාලාවේ වඩාත්ම අවධානයට ලක්වූ එහෙත් පිළිතුරු නොලැබූ ප්‍රශ්න අතර බී බී සී මාධ්‍යවේදියා විසින් නැගූ ප්‍රශ්න ද විය.

පදවියෙන් ඉවත් කළ තායිලන්ත අගමැතිනි යින්ලුක් සිනවත් ට එරෙහිව රාජකාරිය පැහැර හැරීමේ චෝදනා යටතේ නඩු පවරා තිබේ. නඩු පැවරීම සිදුවන්නේ එරට ආණ්ඩුක්‍රම ව්‍යවස්ථා අධිකරණය විසින් ඇය අග්‍රාමාත්‍ය ධුරයෙන් ඉවත් කොට දිනකට පසුවයි. බලය අයුතු ලෙස පාවිච්චිකිරීමේ වරදට අගමැතිනි යින්ලුක් සිනවත් සහ අමාත්‍ය මණ්ඩලයේ නවදෙනකු බදාදා ඔවුන්ගේ පදවිවලින් ඉවත් කරන ලදී.ජාතික දූෂණ මර්දන කොමිසම ගෙන ආ එම චෝදනා වලට වරදකාරිය වුවහොත් ඇයට වසර පහක් යන තුරු දේශපාලන කටයුතු වලට සහභාගීවීම තහනම් කළ හැක.

දකුණ කොරියානු නීති නිලධාරීන් විසින් ඉකුත් මාසයේ දියබත්වූ දකුණු කොරියානු නෞකාව අයත් සමාගමේ ප්‍රධානියා අත් අඩංගුවට ගෙන තිබේ. මෙම නෞකාව දියබත් වීමෙන් පාසල් ශිෂ්‍ය ශිෂ්‍යාවන් ඇතුළු තුන් සියයකට අධික පිරිසක් මිය ගොස් හෝ අතුරුදහන් වී ඇති බවටයි සැලකෙන්නේ.